❸ 本文內容摘自第三方資料,僅供行程參考之用。

黃泥涌水塘

所在地區

香港島

建議遊覽時間

3

小時

遠足徑難度

最後更新日期

10/10/18

交通資訊
備註事項
地圖

黃泥涌水塘

黃泥涌水塘喺1899年建成,至今有118年歴史。因為儲水量低,市政局喺1986年將佢改建成香港首個划艇公園。公園裏面嘅水壩同水掣房都係香港法定古蹟。水塘有個叔叔看守,大家可以同佢傾計了解水塘嘅故事。黃泥涌水塘位於香港島嘅中心,交通四通八達,極具戰略價值。上世紀三十年代,港英政府意識到日軍對香港虎視眈眈,因此喺附近興建左大規模嘅防禦設施,包括炮兵陣地、榴彈炮炮台同多座機槍堡等。隨住大型水塘如船灣淡水湖同萬宜水塘相繼落成,再加上有東江水,黃泥涌水塘喺1986年關閉,改為香港首個划艇公園。呢度堪稱「名人樂園」,據聞周潤發、梁朝偉、任賢齊都係水塘常客。

1941年12月8日香港保衛戰爆發,來勢洶洶嘅日本皇軍喺12月19日已經兵臨城下。雙方喺黃泥涌埉爆發激戰。雖然英軍同香港人自發組成嘅義勇軍誓死保衛家園,無奈敵強我拙,過千名烈士為港捐軀。日軍喺12月23日成功佔領黃泥涌峽同水塘,斷絕港島嘅供水。英軍已經無險可守,當時嘅港督楊慕琦惟有投降。香港自此進入三年零八個月嘅黑暗時期。如果你有興趣都可以走入陽明山莊旁嘅衛奕信徑,搵下呢啲戰時遺蹟。

交通資訊

乘坐途徑黃泥涌峽道巴士 6,41A,66,76

備註事項

地圖

其他相似景點