屯門海濱花園

傳言騎牛的地方,有一片無敵大海景

作為一個土生土長嘅屯門人,筆者最常畀人問到嘅就係:「屯門係咪有牛㗎?」或者喺昔日嘅屯門真係有牛嘅,而家就唔太有喇,馬就有幾隻!喺屯門碼頭近美樂花園嘅山邊,就有一個騎術學校,不過,今次筆者想介紹嘅反而係近渡輪碼頭嘅區域!

芸政索参西治教書業経列隠融力所止感高関。

芸政索参西治教書業経列隠融力所止感高関。

屯門作為香港其中一個沿海地區,除左屯門人騎牛返學嘅傳言之外,原來仲有一個沿海而建嘅海濱花園!花園全長2公里,由避風塘方向嘅慧豐園側邊空地,一直延伸至蝴蝶灣,無論係花園嘅邊個位置,都可以見到海嘅存在,可以話係180度無敵大海景!雖然有多個出入口,但想盡情欣賞海景,趁呢個機會放鬆下嘅朋友,筆者就推薦大家,由慧豐園側邊嘅入口開始行喇!

海濱花園

沿住屯門碼頭嘅主馬路,向邁亞美海灣(藍色建築群)行,到盡頭就會見到右邊有個海濱花園嘅入口。雖然都係同一個公園,但因為比較偏離商場同交通中心樞紐,人流都會比較少,適合大家嚟散步,紓緩繃緊嘅精神狀態!沿路都會有唔少長凳同涼亭,畀大家坐喺度休息之餘,細心觀賞呢片寧靜嘅避風塘景色同海景。沿路深入,就會見到一條向外延伸嘅步道,原來呢條就係避風塘嘅堤岸!

平時呢個位置都會吹住涼涼海風,最適合影相打咭!筆者最推薦大家夜晚嚟呢條堤岸行下,好運嘅話仲會見到鬧市間嘅幾粒星星㗎!如果大家去過其他海濱公園,就會覺得,淨係得海景都無咩特色。而屯門海濱花園最別具特色嘅地方,就係可以一次過滿足多類人嘅需求!如果係好似筆者咁,鍾意睇下海景,思考人生嘅朋友,就可以行沿海邊而建嘅長廊,吹住海風,聆聽自己嘅心聲,有時仲會見到有人係度悠閒釣魚添!如果想做下運動,或者漫步樹蔭下,就可以行隔離嘅步行徑,想像下住係側邊屋苑既生活享受!

渡輪碼頭

渡輪碼頭就位於輕鐵總站對面,位置便利,唔單止可以搭返船出東涌,早嚟嘅朋友甚至可以考慮搭船去埋大澳!而渡輪碼頭嘅右邊,就係香港三個可以搭船去澳門嘅碼頭之一喇!

啟豐商場

見到渡輪碼頭之後,再向前行少少,就係啟豐商場。喺商場嘅靠海位置,可以見到有好多餐廳都提供戶外座位,而喺比較後嘅位置仲有一間向海café,大家不妨可以嚟食返個視覺同味覺完美融合嘅一餐!筆者就特別推薦一間叫美味屋嘅小餐廳,麻雀雖小,五臟俱全,各式美食選擇多之餘,仲可以選擇唔同嘅特色飲料,實在一舉兩得!行入商場,喺一排餐廳之中,仲可以發現到一間以平民價錢就買到高級甜品享受嘅小店,呢度就留返畀大家自己去發掘喇!

 

喺香港呢個好似蟻窩一樣人口密集嘅城市,表面上可能十分無趣,但其實好多有趣嘅事物,需要我哋自己去細心觀察先會揾到。要睇海景,唔一定要去到澳洲、英國,有時只要我哋「停一停,諗一諗」,行入幾步,就會發現我哋平時忽略咗嘅美好風光。

芸政索参西治教書業経列隠融力所止感高関。

芸政索参西治教書業経列隠融力所止感高関。

交通資訊

港鐵
屯門西鐵站轉乘輕鐵507至屯門碼頭總站
屯門西鐵站轉乘巴士K52至邁亞美海灣站,下車後向左行(慧豐園方向公園入口);
至屯門碼頭站,下車後向後行至十字路口轉右(邁亞美海灣側邊公園入口) 或 向右行至輕鐵路口轉左(啟豐園方向入口)

 

巴士
59M,59X,59A,A73(屯門碼頭下車)

 

渡輪
從東涌乘船至屯門碼頭

 

備註事項

附近為民居,請勿大聲喧嘩
公園範圍內嚴禁踏單車及狗隻出入

地圖

夜景
室外
拍拖
攝影
日落
美食
親子
老少咸宜
傷健友善