❸ 本文內容摘自第三方資料,僅供行程參考之用。

青山禪院

錯有錯着入咗古寺
所在地區

新界西

建議遊覽時間

3

小時

遠足徑難度

最後更新日期

7/8/17

交通資訊
備註事項
地圖

青山禪院

錯有錯着入咗古寺

本身小編我打算去行「香港三尖」之一嘅屯門青山。點知「一入寺門深似海」,喺青山禪院影下相都冇左成個上午。呢條路線特別推介比中意藝術﹑歷史﹑建築﹑文學and扮文青嘅你。

以前小編我睇中史書,成日諗,究竟杯渡禪師隻大木杯係咪就係《愛麗斯夢遊仙境》隻「瘋帽子旋轉杯」?青山禪院創建於1500年前嘅東晉末年。原名「杯渡寺」,係香港三大古寺之一,仲係香港佛教發源地。相傳,南北朝時,杯渡禪師鍾意坐住隻大木杯雲遊四海。佢途經青山, 住左喺呢度嘅岩洞入面。

咪以為又係佛寺一個。古往今來,好多名人喺度打過卡架!

  1. 1973年嘅《龍爭虎鬥》入面,李小龍就係喺呢度同喬宏對話,同董瑋過招。每年,都有唔少日本黎嘅李小龍影迷專登黎朝聖。呢到就有條「李小龍事蹟紀念徑」。
  2. 由黃子華主演嘅tvb劇《奸人堅》亦都喺度拍攝過。
  3. 相傳大文豪韓愈喺819年到訪屯門,山頂石碑「高山第一」四字就係佢寫的。
  4. 七世紀時,達摩祖師就喺呢到入關,相傳佢喺山中岩洞暫住過。

佛寺定係道觀?

答案係Both。青雲觀本身係個道觀。住持陳春亭皈依佛教後,就係青雲觀隔黎起埋佛寺。

文青最愛

比起黄大仙,青山禪院就多左份「清新脱俗」的味道,除左係因為冇咩人黎之外,建築亦都多左份古樸嘅美感。呢度嘅大雄寶殿仲係全港最大嘅中式建築。部分建築仲有梵文同圓盤裝飾,置身其中好似去左異國。呢度仲有好多神話人物嘅雕塑,例如哪吒。喺度就最岩影仙氣女神照啦~

小編幾鐘意裡面有一幅圖,show哂天宮玉皇大帝,四海龍皇既人物圖,因為有關中國天宮既故事聽得多,但從來分唔到佢地邊個打邊個,邊個上司邊個下屬,佢一張圖就show哂出黎。

「屯門」個名有段故~

點解會叫屯門叫「屯門」呢?原來屯門個名都關青山事。屯門係一個比青山同九徑山包圍的谷地,兩座山就好似一棟門咁,所以就叫「屯門」啦。另一個講法係,屯門曾係屯兵之地,所以叫「屯門」,外國人都要經呢度登岸辦理入關手續。

交通資訊

兆康站搭輕鐵610、615到屯門青雲站下車。

屯門IVE隔黎搵到青山古寺嘅指示牌後,沿車路登山,行半個鐘就到青山寺。

備註事項

開放時間:全年無休,每日08:00-20:00開放

地圖

其他相似景點