前往山頂嘅公共交通工具有好多，可以喺中環、金鐘、灣仔等坐巴士或者小巴上嚟，又或者坐纜車上山又得！喺市區搵個地方食飽個肚仔就係時候出發啦，落車後仲可以去凌霄閣影陣相添。凌霄閣係個個遊客都會嚟參觀嘅景點，但我地今日志不在此，因為好戲在後頭嘛。行完凌霄閣之後，就可以係山頂廣場邊一條山徑開始行山啦。行山嘅路線就係由山頂盧吉道起為起點，盧吉道浴路都是綠樹成蔭，石屎平路十分好走，因為位置向海，所以土壤嘅水份都好充足，因為咁啲樹都生得特別高大荗密。
大概行左45分鐘就會行到盧吉道、夏力道同克頓道嘅分岔路口啦，依個時候都可以飽覽維港景色。睇完靚景就行去克頓道就可以到龍虎山，龍虎山並唔高，山峰不過300米，最出名嘅不過係松林廢堡。松林廢堡嘅原名係松林炮台，在龍虎山嘅松林炮台上彈痕仍然清晰可見，咁係因為當時炮台用嚟保護維港西面出入口架。
一直沿住山路行就會行到落西營盤啦，西營盤附近都有好多野食架，小編就食左間叫Seoulmate Café，入面嘅裝修好靚，紫薯拿鐵都好好飲，值得一試呀。為食嘅小編用食起行，用食結束，咁就過左充實嘅一日啦！
建議行程：
12:45 由港島市區出發
13:30 到達山頂廣場
14:00 於盧吉道開始
16:00 到達西營盤終點
參考路線：