每逢觀賞紅葉既秋季，位於元朗大棠既楓香林總會吸引大量遊客，放底平日既壓力，抽身沉醉於一片燦爛既秋紅之中。楓葉大概係每年十一月中旬至十二月轉為紅色，直至翌年一月中旬，還會有一點點既紅葉點綴於山頭之中。
喜歡感受大自然既樂趣既話，可以慢慢行上山，一邊感受秋風，一邊感受香港難得既自然空氣。係大棠山道口行上去，沿途有指示教你前往楓香林，步行約五十分鐘。在秋天上山都唔算好吃力。
到達楓香林，眼前開滿楓葉，滿山遍野都以鋪天蓋地既方式盛開，楓葉放肆係每一個小角落。平日在香港依片石屎森林之中又點會感受到依片大自然既色彩呢。依片楓香林既燦紅就有如京都既楓葉一樣，係大棠欣賞楓葉更加方便香港人黎個「速食之旅」既快餐呢。
轉秋既時候，有機會不妨到大棠賞楓葉，影相分享比朋友，讓更多人認識到香港這片燦紅既小角落啦。