大嶺峒

登上高峰

如果放假,不妨用一個下午嘅時間登上香港高峰大嶺峒,欣賞下無敵大海景啦。由清水灣出發,沿清水灣道行,途經清水灣郊野公園及龍蝦灣郊遊徑,大概行一個半鐘,就可以登上位於西貢嘅小山峰,舊稱「餓死雞山」嘅大嶺峒。登上高處,唔單止可以睇到綿綿無盡嘅海岸線,仲有萬里無雲嘅藍天,真係一次過飽覽曬海天連成一線嘅牛尾海海景。去大嶺峒行山,交通都好方便, 喺將軍澳站搭小巴,大概十分鐘已經可以到達清水灣啦。

大嶺峒
最後更新日期
8/3/2024
23/7/2020
景點分類
行山勝地
自然風貌
地區
新界東
建議逗留時間
3.5
小時
難度
3
/5

喺市區搭小巴到清水灣巴士站後,跟住往「大坳門」路牌,前往清水灣郊野公園入口。到咗公園後,就會見到綠油油嘅大草地,假日有唔少人嚟呢度野餐放風箏。

公園嘅停車場旁邊有一條叫做龍蝦灣郊遊徑既石徑,沿石級一直向上走,大概40分鐘後,就可以到達291米高的山峰大嶺峒啦。

大嶺峒位於清水灣東面既一座山峰,喺山上可以睇到吊鐘洲、牛尾洲、火石洲、釣魚翁等島嶼。登上山頂,仲可以見到好多大大小小唔同嘅石頭,唔少人都會坐係石頭上影相,影出黎嘅相都是海天連成一線!景觀極壯麗!又有人坐係大石之間,一邊同朋友野餐,一邊睇無敵大海景,真係極寫意呢。

順山路落山,途經龍蝦灣風箏場同練馬場離開。呢度仲有一塊被列為古蹟嘅遠古石刻,不過來自咩年代、刻著咗啲咩,連古物古蹟辦事處也話無從稽考,留待大家自己發掘吓喇。大概行多45分鐘就可以行番起點清水灣巴士站,搭番小巴就可以出番市區啦。

路線參考:
https://goo.gl/TgH2YC

No items found.

交通

港鐵將軍澳站乘坐103M小巴/港鐵鑽石山站乘坐到大坳門落車。

注意事項

龍蝦灣郊遊徑既石級較多,初時會花費較多氣力。