大浪西灣

五千星級體驗

香港受到光污染影響,要睇到星空唔係咁容易,今次介紹既大浪西灣就係一個觀星既好地方。

大浪西灣
最後更新日期
8/3/2024
31/7/2020
景點分類
自然風貌
地區
新界東
建議逗留時間
12
小時
難度
/5

大浪西灣位於西貢東郊野公園,麥理浩徑第二段途中亦會經過大浪西灣。呢度既風景十分優美。大浪西灣被群山所包圍,遠處可以眺望到以蚺蛇尖為首既山巒,近可以見到水清沙幼既沙灘。難怪大浪西灣被喻為港版馬爾代夫啦!

到左夜晚,景色又有所不同,一個滿佈繁星既天幕映入眼簾。真係要講番句:星,全部都係星!因為筆者去既時候係冬天,所以只係隱約見到銀河既尾巴,如果想見到整條銀河就要等到夏天再黎啦。不過都可以辨認到幾個星座,例如大熊座同獵戶座等。如果想自己辨認一下星座,有好多不同既手機應用程式都非常方便。此外,觀星時有一個基本禮儀,就是不要用白光和強光作照明,因為會影響其他觀星者,而且突然的強光會令人看不見陰暗路面和星星,如需照明,請用紅光既小燈。

週未既時候通常比較多人,所以要露營的話最好早啲去到營地爭取有利位置。仲有臨走前記得帶走垃圾,實行山野無痕,垃圾筒設於附近公廁旁。

No items found.

交通

1)交通公具可達最近既地方係西灣亭,可乘NR29村巴前往(班次較疏,請參考時間表:http://www.i-busnet.com/busroute/resident_others/nr29.php) ,的士亦可前往。到西灣亭後向西灣方向前進,約30分鐘。

2)亦可以由北潭涌(94/96R號巴士、9/7號小巴)或萬宜水庫東壩出發,沿麥理浩徑行約4小時(東壩出發2小時) 。

注意事項