生物多樣性
水口位於大嶼山南部,有個超級大嘅泥灘,生態資源好豐富㗎,除左係一個好好嘅郊遊地 方,仲可以睇到好多動物㗎!例如招潮蟹、馬蹄蟹同牛牛!不過,近年好多人去水口掘蜆, 破壞當地嘅生態,大家記住掘蜆嗰陣要適可而止,同埋記得小心啲行,唔好踩死啲小動物呀!
日落餘暉
當太陽緩緩從身後面下降,天空同雲朵都被染成夢幻嘅橙色同紫色。如果大家傍晚時份都仲 未離開嘅,就有機會見到咁靚嘅火燒雲同反曙暮暉,一條條嘅粉紅色光柱劃破天際,超級壯觀㗎!
夜幕低垂
當紅霞都退場嘅時候,接住落黎係星星嘅舞台,當天空越變越黑,終於見到滿天星空,小編 同朋友都覺得超級壯觀,因為對上一次見到咁靚嘅星空已經係幾年前嘅事。加上附近漁船咁 算多,無造成光害。抬頭仰望,唔難見到射手座同天蠍座,佢地位於銀河中心 (Milky Way Galaxy) 附近,所以好易認㗎。嗰晚小編仲見到流星添!即刻許返個願先!!!(編按:天色 明朗嘅時候一晚見到一兩粒流星並唔係難事)
後記
好多時我地都忙住返工或者讀書,根本無機會比自己抖下。而城市嘅急促發展,可以睇到星 星嘅地方越黎越少。會唔會終有一日,城市嘅光將星星嘅光芒都遮蓋,我地嘅下一代再無機 會欣賞到璀璨嘅星空?
「好多人話,宜家嘅天空已經無乜星光。的確,因為空氣污濁,又因為人間煙火太多, 星星都黯然失色。或者搵一個清爽嘅夜晚,同你心愛嘅人,去一個遠離人煙嘅地方。坐 低抬頭仰望,你會發覺,今夜星光仍依然燦爛。」
2020 年半年過去,無論係我地嘅社會定世界都發生左好事,疫情爆發令好多人都覺得抑鬱同 擔憂,但係我地要心存希望,逆境總會過去。感到絕望嗰陣,抬頭望下個天空,你會見到繁 星支持住你㗎!咁多位朋友仔!不妨同你愛嘅屋企人、另一半或者朋友一齊睇星星,分享呢 份上天賜比我地嘅禮物。