橋咀

水清沙幼連島沙洲

西貢最熱門既路線當然係水清沙幼既半月灣。離開半月灣唔洗直接搭船,可以行1.7公里山路返橋咀泳灘,再搭街渡返西貢碼頭。

橋咀
最後更新日期
8/3/2024
31/7/2020
景點分類
城中秘景
自然風貌
行山勝地
地區
離島
建議逗留時間
4
小時
難度
2
/5

橋咀洲2009年被劃為國家地質公園,兩年後獲聯合國教科文組織認可,成為世界地質公園。作為香港人,「不到橋咀非好漢」!

 

西貢碼頭到半月灣船程經過幾個小島,包括白沙洲、小鏟洲。街渡好快就到達目的地—廈門灣公眾碼頭。

「半月灣」係橋咀洲南面,海灣新月形狀,應該叫「新月灣」。但係新月既英文「Crescent」太深, 所以改成「Half moon」。「Half moon」諧音係「廈門」,所以海灣既官方名係廈門灣。廈門灣海水清澈見底,小魚係腳邊游過,有無峇里島既感覺?泳灘有齊更衣室、小食亭、燒烤區。遊人可租獨木舟出海觀察海蝕洞。

廈門灣小食亭後面有石灘同橋咀郊遊徑。沿小徑上山,一開始係平路,然後接上石屎梯級上山頂。郊遊徑頂點大概136米,係全個橋咀洲既最高點,景色壯麗。

下山的路段主要是沙石,依循路牌往橋咀方向,輕鬆行一個鐘就到橋咀泳灘。

 

橋咀泳灘有個出名既地理景觀——連島沙洲,天然沙堤將橋咀洲同橋頭島連起。潮水上漲能完全蓋過沙堤。連島沙洲連住地質步道,沿路有俗稱「菠蘿包」既石英二長岩。

半日豐富既郊遊行程黎到呢度,沿住沙灘行去橋咀碼頭就可以搭登船離開。

No items found.

交通

路線:西貢公眾碼頭→ 廈門灣 → 橋咀泳灘 →西貢公眾碼頭

注意事項

請大家把垃圾帶離小島先扔掉,因為即使扔在島內的垃圾筒,都有機會被吹走,飄到沙灘或海上。