❸ 本文內容摘自第三方資料,僅供行程參考之用。

良田坳

踩住菠蘿落白泥

所在地區

新界西

建議遊覽時間

4

小時

遠足徑難度

最後更新日期

1/1/18

交通資訊
備註事項
地圖

良田坳

踩住菠蘿落白泥

!!注意!!

駐港解放軍於2017年月發出告示,指青山靶場一帶屬軍事禁區,並要清理青山靶場內的非法耕種,嚴禁市民踏足青山靶場,即菠蘿山。未去過既市民只能透過照片懷緬懷緬了。

仲搭小巴去下白泥睇日落?不如今次由菠蘿山行去下白泥啦!路程約2-3個鐘。去完下白泥仲可以去元朗食B仔涼粉。

菠蘿山又名「港版大峽谷」,山高121米,最適合行山初哥。山位於屯門良景邨和山景邨之間,因為十分接近民居,不時會看到不少街坊上山晨運,或拎住大大小小的水樽上山入山水。筆者飲過啲山水,係幾甘甜嘅。

其實菠蘿山認真都幾似舊菠蘿包,表面佈滿金黃鬆脆的「脆皮」。呢種奇特嘅地貌係由風化作用所致。菠蘿山主要以花崗岩組成,花崗岩中含不同礦物質,能呈現出紅色﹑黃色﹑白色等不同大自然色彩。例如紅色是花崗岩中的鐵質氧化了。

菠蘿山最為人熟悉的地方莫過於是其「大峽谷」,風景一絕,筆者企係山上望落去「大峽谷」,認真腳仔軟。但其實呢度係青山操炮區嘅範圍,係前英軍嘅練靶場,依加係解放軍嘅。行山前可到政府網站查下青山靶場嘅練靶時間。

一直沿住山路行,可以遠眺深圳灣同深圳灣大橋。落到山再向右行20分鐘,就黎到下白泥呢個睇日落勝地。下白泥係個位於元朗西部嘅泥灘。呢度唔單止係個睇日落嘅好地方,仲可以睇到紅樹林﹑招潮蟹﹑彈塗魚……生態價值極高。所以黎到呢度,千其唔好漏低垃圾呀!

沿路會見到唔少農埸,仲有羊咩咩,係一家大細嘅假日好去處。下白泥村公所附近仲可以見到一級歷史建築物—雙層青磚碉堡。碉堡建於1910年,由孫中山友人兼興中會中堅分子鄧蔭南所建。喺廣州新軍之役事敗後,革命分子曾藏身於此,避開清軍嘅緝捕。不過依加嘅碉堡外面被圍欄圍住,進行緊修葺工程。所以我地只可以遠觀碉堡。

交通資訊

15:00在港鐵兆康站搭輕鐵505/615/615P 往良景站。

15:30穿過基良小學後門,到達良田坳入口。

16:30途經大峽谷(青山操炮區)18:00下白泥(可參觀附近農場﹑漁場)。

19:00搭小巴33號出元朗/天水圍,可以試下元朗特色B仔涼粉。

備註事項

地圖

其他相似景點