❸ 本文內容摘自第三方資料,僅供行程參考之用。

薄扶林、伯大尼修院

古村尋訪

所在地區

香港島

建議遊覽時間

4

小時

遠足徑難度

最後更新日期

10/10/17

交通資訊
備註事項
地圖

薄扶林、伯大尼修院

古村尋訪

薄扶林村出現於17世紀,係香港島歷史最悠久鄉村之一。唔講你未必知道,薄扶林村中秋節晚都會舉行舞火龍活動,好似大坑咁。路線由村口,舞到伯公塔和李靈仙姐塔進行拜祭,最後到瀑布灣(華富邨附近)。大家不妨參考火龍嘅路線行薄扶林村,幾乎可以睇曬呢條村嘅歷史建築,例如1916年為了紀念降魔伏妖嘅李靈仙姐而起嘅「李靈仙姐塔」等。

世界文物建築基金會2014年嘅監察名單入面,薄扶林村係唯一入選嘅中國文化遺產,意思即係村落正受社會經濟因素變遷威脅。城市發展經常凌駕歷史價值,尤其係香港。所以,身為香港人點都應該去薄扶林村睇下!

自2013年起,薄扶林村文化環境保育小組與香港大學大學堂文化輔助委員會合辦的《薄扶林文化導賞團》開放予公眾參與,收取微薄費用,向參加者詳談細說薄扶林一帶的居住歷史。黎緊一團將於5月22日舉行,詳情及報名可參考此連結:http://goo.gl/QH71pR Pokfulam Village 薄扶林村

另外,牛奶公司牧場遺址都有好多野睇,適合小朋友去尋幽探祕!例如草蘆、牛棚、供牛隻飲水嘅水槽、破落圍牆、牛奶公司職員宿舍等。

至於結婚聖地伯大尼修院相信唔少人都聞其名。伯大尼修院建於1875年,2013年被列為法定古蹟,係一座新哥德式建築風格的療養院,為患病的傳教士提供休養之處。1978年交俾香港大學出版社使用,2003年開始改建成香港演藝學院的電影電視學院校舍。原來伯大尼修院復修工程做得好好,甚至2008年受聯合國教科文組織表揚,頒發亞太區文物古蹟保護獎。

據聖經記載,伯大尼(Bethanie)係一條村落嘅名,意思係可以救活病人。呢座米白色嘅療養院係全港唯一以新哥德式建成嘅教堂。新哥德建築特色包括布局對稱、彩色玻璃、尖拱、飛扶壁。呢度咁靚,有冇諗過喺度舉行浪漫嘅婚禮呢?

1974年,傳教會遷出伯大尼修院。療養院輾轉成為政府嘅產業。政府喺2002年決定將伯大尼修院租畀香港演藝學院。修復工程喺2007年完成後,修院自此成為電影電視學系嘅校舍。呢座法定古蹟嘅大部份地方都開放畀公眾參觀, 但記得唔好騷擾喺呢度上堂、拍攝嘅同學仔喎!有機會嘅話都有可能做下路人甲。哈哈!

交通資訊

10:00-11:00 薄扶林村 (乘坐巴士前往)

11:00-12:00 牛奶公司舊址

12:00-13:00 午飯(請自備餐具,避免使用即棄製品)

13:00-14:00 伯大尼修院

備註事項

地圖

其他相似景點