❸ 本文內容摘自第三方資料,僅供行程參考之用。

梧桐寨

天人合一瀑布
所在地區

新界東

建議遊覽時間

4

小時

遠足徑難度

3

最後更新日期

7/8/17

交通資訊
備註事項
地圖

梧桐寨

天人合一瀑布

位於大埔西南面、大帽山山麓既梧桐寨,擁有香港落差最大、規模最大既瀑布群,分別係井底瀑、中瀑、主瀑同散髮瀑,各有特色。其中以主瀑落差最大,達到三十米。路線以梧桐寨村巴士站做起點,到最高點既散髮瀑之後沿路折返,全長六至七公里,最高點約四百五十米。

路線詳情

由巴士站到梧桐寨村大約十分鐘,村口附近有洗手間,之後沿路都沒有洗手間。再行大約五分鐘就會見到萬德苑既牌坊,呢度既景觀就好似去左一個隱世既樸素村落一樣,十分恬靜。之後一路沿住林村河聽住流水潺潺,而且山谷既風一路吹送,十分寫意。唔洗幾耐,就到井底瀑啦,呢度因為樹木茂盛,抬頭向天望天就好似係井底一樣,因而得名。稍作休息就繼續向中瀑進發啦,中瀑底有唔少大石,提供左絕佳既影相位,不過要比較小心係濕滑既石面上行。之後前往主瀑係路程最有挑戰性既一段,路程約三至四十分鐘。不過當去到主瀑既時候,你就會有一種括然開朗既感覺,主瀑周圍非常清涼,因為瀑布瀉下既水形成既小水珠,不斷為遊人降溫。主瀑既規模亦非相片可以表達,當然沒有外國幾百米落差既規模,但親歷其景,話壯麗都不為過。之後沿瀑布另一邊既小路而上就到最頂既散髮瀑,見到流水由散髮瀑落下再由崖邊落下,驟眼睇就好似流水同天空合二為一,有一種好泰然既感覺。之後再前進既話就可以登上大帽山或者從另一條路返回梧桐寨村,回程大約一小時。

地理知識

瀑布通常位於河流既上游部分,大部分瀑布既形成係因為流水經過不同既岩石類型。因為流水對石頭既侵蝕速率不同而造成高度差別。梧桐寨瀑布屬於林村河既上游部分,而地理上亦正正位於兩種不同岩石交會既斷層之上,形成左創造瀑布既絕佳條件。梧桐寨瀑布頂部既岩石為較堅硬既粗火山灰晶屑凝灰岩,係侏羅紀時期大約一億六千萬年前既火山爆發時形成,因為顆粒較細所以比較能抵抗風化。大帽山大部分既岩石就係呢種凝灰岩。瀑布底部既岩石為較軟的大埔花崗閃長岩,都係大約一億六千萬年前形成,不過因為形成既時候岩漿係地底慢慢冷卻,形成較大既顆粒,所以亦都比較容易受到侵蝕。正正因為兩種岩石軟硬既分別,流水對較軟既石頭侵蝕較快,隨時間既流逝,係兩種石頭既交界形成左落差。當河水從瀑布傾瀉而下,流水會係瀑布既底部形成漩渦,加速瀑布底部既侵蝕形成跌水潭。而當瀑布底部被侵蝕至不能支撐上方既大石既時候,瀑布上方既大石就會落下,散落係瀑布底既周圍。

睇完咁多資料係咪好似上左一堂地理堂咁呢?下次去梧桐寨既時候就唔洗齋行同打下卡咁悶啦!不妨留意下呢啲地貌,仲可以扮專家同朋友介紹一下瀑布既形成添!

交通資訊

九巴64K 大埔墟鐵路站 - 元朗(西)總站

九巴65K 大埔中心 - 林錦公路(嘉道理農場)

小巴25K 大埔墟 - 林村

到梧桐寨村站落車

備註事項

參考資料

香港地質志 - http://www.ngensis.com/HKR/HKR2/HKR2.htm#圖版

香港地質 - http://hkss.cedd.gov.hk/hkss/eng/education/GS/tc/hkg/indexc.htm

地圖

其他相似景點