❸ 本文內容摘自第三方資料,僅供行程參考之用。

南生圍

轆轆轆入南生圍~
景點分類

自然風貌

所在地區

新界西

建議遊覽時間

3

小時

遠足徑難度

最後更新日期

7/8/17

交通資訊
備註事項
地圖

南生圍

轆轆轆入南生圍~

放假去邊好?想做下運動?咁不如踩下單車啦,今次就由v’air小編帶大家由元朗出發,踩入南生圍。南生圍一直比人既印象都係簡樸既田園氣息,或者係文青打卡位,但南生圍當中面對既問題你又知幾多?v’air小編為大家發掘南生圍既另一面啦!😊

首先由元朗出發,元朗附近都有租單車既舖頭,30蚊已經可以玩成日,而且單車舖頭既老板都好熱情,唔肯定點踩入南生圍都唔使驚,到時問下老板就得啦,佢地都會好有耐性咁解答^^。租完架靚靚單車就可以開始出發啦~~Let's Go!

由元朗A出口,過左條馬路,一直向前踩,踩向博愛醫院既方向,過左醫院後就會發現有條河堤,旁邊有條陰暗小徑。繼續沿著排水繞道直踩。依條小徑沿路都種滿晒樹,踩住單車穿插在大樹之間真係透心涼嫁。沿住指示牌一直繼續踩就可以啦。沿途可以見到濕地,仲有黑臉琵鷺同其他水鳥,到時就要注意唔好咁大聲喧嘩,如果唔係就會嚇親雀鳥啦。

踩到累累地?中間會有間老婆婆開既豆腐花店,坐係店入面,放眼仲有河邊既靚景,一邊食豆腐花,一邊休息,一邊吹下風睇下景,真係好正嫁。婆婆仲有自己既船仔,佢平時會扒船仔到河中央喂佢養既鴨仔。有興趣可以問下婆婆借隻船仔黎扒下,她都好樂意借比客人扒下船仔嫁。不過小編就有啲怕水所以無試到,見到其他食客扒得咁開心都好羨慕,可惜呢~

食飽肚仔就繼續踩啦,踩多30分鐘左右就會到南生圍嫁啦。WOW~一入南生圍就會見到一大片草地,周圍都係綠色,咁靚既環境成為左唔少電影、電視劇既拍攝聖地。南生圍入面都有唔少白千層嫁,白千層有好多層樹皮,一層層既老樹皮留在樹上面,就可以形成保護層啦,不過平時係市區就比較難見到白千層,因為種係市區既時候,汽車既廢氣好容易將白千層既樹皮染黑,令人覺得有唔乾淨既感覺,所以係市區都比較難見到白千層嫁。

南生圍入面都有一條好出名既橋,因為有唔少人都會到南生圍影婚紗相,所以依條木橋又有「婚紗橋」之稱。不過早前有新聞報道過有電視台將橋上耐濕耐壓既木材拆走,換上外表光鮮既木材進行拍攝。但完成拍攝後就將原本既木頭丟棄離去,令橋耐久度大減,再加上有人係橋上踩滑板跳動,進一步令木橋損壞。最近村民復修木橋,先令木橋重見天日。我地有機會到南生圍既話要注意愛惜木橋,唔好白費村民心機,咁先可以令更多人都可以同木橋合照,欣賞南生圍依個咁靚既地方!

南生圍一大片草地,唔少地產商都睇中南生圍依塊地,最近更有發展商銳意發展南生圍,興建豪宅及高爾夫球場。但計劃帶黎既經濟得益只係惠及一班財團同地主,一班少數既人。南生圍係香港人共同既後花園,作為城市綠土,係都市人舒展身心既郊遊聖地。元朗已經失去左菜園村,如果連南生圍都失去,依個城市只會愈黎愈可悲。

交通資訊

前往方法:

乘坐西鐵線到元朗a出口

沿a出口博愛醫院馬路踩

建議行程:

14:30 出發到元朗

14:45-16:00 踩入南生圍方向

16:00-16:45 休息食野

16:00-18:00 到南生圍-影相

18:00-19:00 踩番出市區

完左之後仲可以行下元朗,附近好多野買同野食嫁~

備註事項

地圖

其他相似景點