麻南芴

西貢麻南芴半島

地區
新界東
遊覽時間
3.0
小時
難度
2.0
/ 5
最後更新
5/8/2020

假日西貢人頭湧湧,今次就等小編帶大家到西貢麻南芴半島,唔使同人迫之餘又可以欣賞到牛尾海嘅風景。

由蕉坑出發,可以先參觀獅子會自然教育中心(逢星期二休息),嗰到有五個展覽館同多個户外研習主題區;參觀過後就可以由蕉坑自然教育徑駁上山徑,前往「麻南芴」,見到分叉路時記得向「大岩口」方向行,然後沿住山徑,最後落斜就到達白馬咀。

白馬咀位於麻南芴半島嘅最南端,係一個天然岩岸。係到可以遠眺清水灣半島、滘西洲、以及牛尾海嘅小島。細心留意的話,唔難係礁石間發現石蟹同藤壺嘅蹤影。

原路折返翻到三叉路口,往三星灣方向行,好快就到達水清沙幼嘅三星灣泳灘。三星灣海水清澈,係香港其中一個一級水質泳灘,絕對係暢泳嘅好地方!

交通資訊

起點 - 蕉坑自然教育徑:小巴1A/101M; 巴士92/792M 往西貢市中心,於「北港」落車,過馬路步行往獅子會自然教育中心。

終點 - 三星灣:可乘街渡往白沙灣碼頭離開(平日未必每日有船,請自行與船家確認);亦可向沿山徑往「對面海」方向行,經翠塘花園前往西貢市中心。

備註事項

往白馬咀後段比較崎嶇及碎石較多,有可能要手腳並用,請量力以為。

沿途無補給點,往白馬咀一段無乜遮陰,記得帶足夠食水同做好防曬。

地圖