❸ 本文內容摘自第三方資料,僅供行程參考之用。

龍門居食街

街坊帶你遊龍門居食街

景點分類

吃貨天堂

所在地區

新界西

建議遊覽時間

1

小時

遠足徑難度

最後更新日期

22/1/18

交通資訊
備註事項
地圖

龍門居食街

街坊帶你遊龍門居食街

龍門居食街堪稱「平價小食天堂」。小食多元化,好食得黎又夠平。有講求創意﹑新奇嘅小食,也有標榜傳統手藝嘅小食。店鋪之間競爭激烈。性價比太低﹑無咩特色的店舖都幾難生存到。

龍門居其實係屯門嘅居屋屋邨。食街嘅小店多數係由區內街坊經營。漫步食街同附近的龍門居街市,唔難發現街坊同食店店員閒話家常,十分有人情味。聽番街坊講,原來食店通常係家庭式經營,老婆開店,老公在店內幫手。都有哥哥在街的一邊開冰室,弟弟在街的另一邊開餅店。

鄧太小食店位於龍門居街市門口旁邊,由住喺龍門居嘅鄧太一家經營,傍晚經過鄧太的店,會聞到陣陣住家飯香。鄧太的店專賣家常菜飯盒,一個三餸飯只需24蚊。「我地係做街訪生意架。唔會收得好貴。」鄧太講笑咁話。鄧太同街坊好傾得架,十分親切。每次裝飯裝餸都會扤到實一實,認真足料。

去完龍門居食街,仲可以去埋隔黎嘅富建花園街市掃下平價小食。永留芳係一家賣車仔面的店,賣點係特色自家製香辣醬,甚具潮汕風味。老闆係汕尾人。提到最具家鄉風味嘅小食,不得不提永留芳嘅招牌菜「銅盤推」。銅盤推係海豐古老的豬腸粉。名字由來同腸粉嘅做法有關。先喺平底盤加入一層薄薄嘅米漿,再喺米漿入面加入豬肉﹑花生﹑菜脯﹑叉燒,之後放入蒸籠蒸2分鐘。蒸好後,再用一個小鏟將米漿推成一條條腸粉。銅盤推比傳統腸粉嫩滑,放入口一下子就吞落去。配合秘製香醬,認真一流!「銅盤推」是汕尾話,黎到店入面,老闆會教你點用汕尾話讀出黎架~

有街坊話,龍門居呢一帶食到嘅咖哩魚旦都各具特色,永留芳嘅咖哩魚蛋有惹味嘅秘製香辣醬,健記車仔面嘅就咖哩味特別重,亦都特別辣。香港街頭小食風味嘅魚旦「實得得」,最似旺角食到嘅咖哩魚蛋,具傳統特色。就連陳展鵬都黎食過架。

摩登士丹里--豆腐花X港式絲襪奶茶

一D都唔伏,仲要好match!豆腐花幼滑,奶茶香而不太濃,小編真心推介!

永留芳--銅盤推

小編極力推介,龍門居必試

海豐古老腸粉,配合惹味香辣醬

小編食完到依加仲好念念不忘><

好拍檔--奶油芝士小丸子
街坊推介:龍門麵包店--蛋撻蛋香濃厚,酥香誘人‍
‍成仔記粉麵餐廳--好多街坊由細食到大係原隻鮮蝦雲吞呀~~
鄧太小食店係鄧太一家開嘅,24蚊3個餸,都係住家飯,仲要夠足料。鄧太就住喺龍門居,平時同街坊好熟好傾得。黎到呢到好有親切感~‍
健記美食--咖哩魚旦 咖哩味特濃特辣,重口味食貨之選
呢間鋪專賣串燒。長期都好旺呀!陳展鵬都黎過。特別推介佢地嘅炸蠔餅,蠔仔又肥又多汁,仲要夠大份!老闆之前喺屯門友愛炸左10幾年蠔餅。唔試真係走寶!‍

交通資訊

搭59X到龍門居總站,總站旁就喺龍門居食街。富建花園街市就喺巴士總站對面。

備註事項

地圖

其他相似景點