❸ 本文內容摘自第三方資料,僅供行程參考之用。

小夏威夷徑

經典小學旅行勝地

所在地區

新界東

建議遊覽時間

1.5

小時

遠足徑難度

1

最後更新日期

5/1/18

交通資訊
備註事項
地圖

小夏威夷徑

經典小學旅行勝地

將軍澳係住宅區?都係得啲以私人樓宇為主嘅市鎮?將軍澳無山行?咁就錯啦!寶琳嘅小夏威夷徑就係一條同市區極相近嘅行山小徑,沿途仲可以睇到瀑布添!全程只需一個多小時,以平路為主,石級唔多,小朋友都可以輕鬆行晒全條山路,非常適合親子假日遊。

唔講唔知小夏威夷徑原來係大牛湖嘅遺址。以前嘅大牛湖仲係香港小學旅行嘅熱門地點之一。睇番香港四五十年代嘅《華僑日報》,就會發現以前香港嘅學校成日帶學生由尖沙嘴碼頭出發,專程到小夏威夷徑行山。原來小夏威夷徑已經陪伴咗好多香港人成長,當時嘅小學生都已經長大,可能仲會帶自己嘅下一代行小夏威夷徑,一齊搵番之前嘅童年回憶添!

華僑日報, 1949-09-16
《中國郵學會主辦郵票展覽十月十四日在思豪展出本星期日旅行小夏威夷》

華僑日報, 1957-10-16
《九龍循道學校分頭旅行荔枝角、沙田、小荔灣、粉嶺、三疊潭、小夏威夷各地》

小夏威夷徑行山路線需時較短,瞓到自然醒先出發都未遲。搭地鐵到寶琳站C出口,行過寶琳戲院,過埋馬路,向山頭嘅方向行,就會行到魷魚灣村嘅入口啦。行入村,穿過垃圾站,喺馬路嘅左邊就有一條往山上行嘅小徑。要留意𠵱條小徑嘅入口較隱藏,一直沿路行,穿過竹林,石級同一間荒廢嘅小屋,就會見到一條分叉路,循右手邊嘅石級上,就可以見到小夏威夷徑嘅指示路牌啦。

沿途都有放咗椅子嘅休息區(呢條行山路線沿途都有長凳俾遊人休息),又有山澗同大樹遮陰,都唔會辛苦。差唔多行到終點時,就會聽到水聲,又會睇到另一個分叉路口,跟住往澳頭嘅方向就可以到瀑布啦!行到瀑布一定會「嘩」一聲,近距離望住瀑布,聽住水聲,完全可以感受到瀑布嘅威力。估唔到咁近市區,行個幾鐘都可以見到咁壯觀嘅瀑布!

離開瀑布之後,行番回頭嘅分叉路口,沿將軍澳村嘅方向行,就可以出番去寶琳地鐵站,又或者繼續向前行去井欄樹村坐返車出彩虹/鑽石山,十分方便。今個週末不妨一家人一齊去小夏威夷徑行下山啦!

交通資訊

地鐵站寶琳站C出口,由魷魚灣村出發。

備註事項

山上較多蚊,記得帶定蚊怕水

地圖

其他相似景點