❸ 本文內容摘自第三方資料,僅供行程參考之用。

嘉道理農場

約會自然
景點分類

自然風貌

所在地區

新界東

建議遊覽時間

3

小時

遠足徑難度

最後更新日期

7/8/17

交通資訊
備註事項
地圖

嘉道理農場

約會自然

如果想喺香港睇下動植物,可以去位於海洋公園或者金鐘嘅動植物公園;但如果想再特別啲,遠離塵囂欣賞下動物同花草樹木嘅話,位於新界嘅嘉道理農場都係一個唔錯嘅選擇。嘉道理農場位於來往大埔同元朗之間嘅林錦公路,佔地有成二百個足球場咁大,如果要細心行的話真係一日都行唔完。農場依山而建,大部份嘅遊客設施同景點都設喺山下部份,而山上部份就係幾條生態徑同埋研究保育用嘅實驗農場。想探下動物的話,農場有兩棲類動物、豬、野豬、鳥類、仲有識講野嘅鸚鵡俾大家欣賞;了解下佢地嘅習性,同佢地自拍下,啱哂一家大細或者年輕一族去探個究竟。文青一族想影輯靚相,做下山系男孩/女孩?農場裏面種滿左超過1000種唔同嘅植物,有溫室裏面嘅仙人掌、果樹、同埋好似成個森林咁、位於山谷嘅原生林。加埋園內嘅溪流瀑布、石頭小徑,可以好似置身外地一樣,呼吸一下新鮮空氣,散散心過一個悠閒嘅週末。

或者你會問,點解會有咁大個農場架呢?其實嘉道理農場早喺50年代已經建成,農場為當時迅速增加嘅新界農民開發同教授新嘅農業技術,提高佢地嘅效率同收入,又送豬送牛俾村民開始畜牧,大大提升左當年鄉郊地區嘅生活水平,所以嘉道理爵士亦被冠以「新界之父」嘅稱號。隨住農業式微,農場近年專注研究同保育工作,包括研究本地新物種同拯救動物等等。現時園裏面大部份供觀賞嘅小動力都係執法機構拯救翻嚟,轉交俾農場照顧;所以佢地每一隻都有自己嘅故事,更加係唔識愛護自然嘅不法之徒嘅罪證。我地深信,人類同自然環境可以共融,喺互相尊重嘅同時,我地應該從小就要學識欣賞大自然嘅動植物,知道我地只係大自然渺小嘅一部份。

交通資訊

喺大埔/元朗乘坐 64K 巴士,到嘉道理農場站落車

備註事項

農場開放時間為 9am-5pm,入園費$30 (12歲以下小童 $15)場地受私人機構管理,一切內容、條款以機構為準

地圖

其他相似景點