❸ 本文內容摘自第三方資料,僅供行程參考之用。

佐敦

品嚐香港懷舊味道
景點分類

吃貨天堂

所在地區

九龍

建議遊覽時間

2

小時

遠足徑難度

最後更新日期

6/8/17

交通資訊
備註事項
地圖

佐敦

品嚐香港懷舊味道

V'air團隊去左佐敦道白加士街掃街,仲試埋兩間最近hit爆既米芝蓮餐廳。大家不妨參考下我地既路線,過一個充滿香港特色既假期啦!

1.十八座狗仔粉

大家都可能聽過呢間米芝蓮推介既地道食物,但未必試過。小編今次都係第一次食,點左狗仔粉同魚湯。狗仔粉係六十年代懷舊小食,雖然賣相差少少,但食落口感一流,配左極濃湯底加埋幾粒勁辣菜葡的確令人回味無窮。魚湯比較清淡,但加左胡椒粉就變得唔錯。

推薦度: 5/5

2.佳佳甜品

獲米芝蓮推介,以中式傳統糖水為主。平均一碗糖水二十元左右,材料卻非常之足料。必試薑茶湯圓同蕃薯糖水呢兩樣經典糖水。湯圓煙靭不黏牙,薑汁暖胃,冬天食完後成身暖曬。不過店主面臨加租明年三月搬遷,大家要試就把握機會啦。

推薦度: 4.5/5

3.三和鮮豆漿

豆漿同豆腐花都係每日新鮮製造。必試芒果豆腐花,豆腐花口感幼滑,二十蚊一大碗。另外生煎包同小籠包都係即煎即蒸,不過就冇乜肉汁。面對加租,三和鮮豆漿都一樣要搬,如果去開佐敦不妨支持一下啦。

推薦度: 4/5

4.炒雪糕

呢款小食唔係咁常見,不過幾特別。但可能因為小編選擇左椰汁雪糕配哈密瓜再加紅豆嘅組合,味道有點兒怪怪的。整體黎講,炒雪糕經過特別爐具製造,口感不錯。雖然貴左少少(大約$35),不過大碗到可以三個人分,值得同朋友一齊支持一下。

推薦度: 3/5

交通資訊

佐敦港鐵站A出口步行兩分鐘

備註事項

佐敦, 白加士街, 炒雪糕, 三和鮮豆漿,佳佳甜品,十八座狗仔粉,掃街,餐廳

地圖

其他相似景點