❸ 本文內容摘自第三方資料,僅供行程參考之用。

河背水塘

仙景治癒之旅
景點分類

自然風貌

所在地區

新界西

建議遊覽時間

2

小時

遠足徑難度

1

最後更新日期

28/6/17

交通資訊
備註事項
地圖

河背水塘

仙景治癒之旅

想親親大自然,又唔想身水身汗?不如嚟河背水塘啦!呢度難度只有一粒星,全程幾乎都係林蔭小路, 廣闊平坦,大約只需1.5小時就行完。 仲可以見到全港唯一嘅S型水壩,置身其中好似入咗宮崎駿嘅世界。

河背水塘位於元朗八鄉錦田河上游,屬於大欖郊野公園嘅一部分, 係水務署管轄範圍內最細嘅水塘。 河背水塘喺60年代落成, 為八鄉農民提供灌溉用途。 由河背村去河背水塘, 途中仲可以俯瞰全港三大平原之一嘅元朗平原,景色廣闊優美。 呢度仲有燒烤場同越野單車徑,週不時亦有人嚟呢度露營。

用「仙境」嚟形容河背水塘,最不為過。呢度早年被漁護署選為「郊野公園十大自然風景」之一。除咗有全港唯一嘅S型水壩之外,水塘中央嘅小島亦都係嚟河背水塘打卡必影嘅景點。呢度環境清幽寧靜,畀翡翠綠嘅湖水同樹木包圍住,漫步其中,心都會靜好多。水靜時仲可以影到天空之鏡。河背水塘家樂徑入面有一大片竹林,好似龍貓住嘅洞穴。

行完河背水塘,如果有時間的話,仲可以行埋大欖涌水塘,需時2-3小時,最好量力而為。

交通資訊

元朗泰衡街乘坐專線小巴71往河背村(建議不要在西鐵錦上路站上車,多數已經坐滿),沿往河背水塘方向指示牌步行約20分鐘即到達。

備註事項

小巴站附近有士多,可買飲品或乾糧。

地圖

其他相似景點