嘉頓山

非正式公共空間

最近,嘉頓山成為港人最愛既攝影熱點,吸引好多年輕人去打卡留影。由港鐵深水埗站D2出口出發,沿桂林街行10分鐘就會到達美荷樓。美荷樓後面有條晨運徑走,通往嘉頓山。行大10分鐘樓梯之後,就去到景色最壯觀既平台!呢度無任何欄杆阻擋視線,可以話係一望無際(當然都要小心呀!)呢度可以俯視深水埗和石硤尾區既唐樓,遠眺獅子山和昂船洲大橋。

嘉頓山
最後更新日期
8/3/2024
31/7/2020
景點分類
城中秘景
行山勝地
地區
九龍
建議逗留時間
1
小時
難度
/5

嘉頓山高90米,原本叫喃嘸山。傳說喃嘸山呢個名同李鄭屋漢墓有關。至於嘉頓山就係深水埗居民既俗稱,因為山丘好近深水埗既地標——嘉頓麵包廠。

原來當啟德機場仲運作緊既時候,嘉頓山上面有飛機訊號燈塔。1998年後,訊號塔隨住啟德機場關閉而拆走。從此之後,嘉頓山變成深水埗居民既晨運徑,特別受長者歡迎。 

相信大家都聽過康文署禁止大眾係公園進行唔同活動,你屋企樓下個公園,大部分都會豎起個告示牌,指明唔可以公園內放狗、玩滑板等等。(正如之前球場唔俾進行其他球類活動~) 原因係呢啲公園受政府規管;政府可能為左方便管理、減低特發事故發生嘅風險,往往犧牲左市民使用公共空間嘅權利同埋便利。如果想擺脫呢啲限制,就要靠大家開拓非主流非正式公共空間喇!之前西環貨物裝卸區嘅天空之鏡就係一個好例子,雖然朝早係繁忙嘅運輸重地,但傍晚就搖身一變,成為散步拍拖勝地;可惜政府因為安全理由要加設圍欄,呢個空間就失去左自由。

深水埗嘉頓山睇風景嘅地方同天空之鏡一樣,冇康文署嘅配套、冇遊客設施、冇扶手、冇欄杆;但正正就係因為咁,我地先至可以好無拘無束咁遊玩、好自由地演譯呢個真真正正屬於所有人嘅公共空間。可以讓大家留下美好回憶嘅地方唔一能要有完善嘅配套,反而自己主動去探索、發揮創意去利用一啲非正式化嘅公共空間,遊程一定會比去傳統嘅景點難忘同更有得着。只要我地每個人都自律,尊重當地現有環境同注意安全,邊度都可以係旅遊景點啦!

想知多啲關於香港公共空間,可以瀏覽 拓展公共空間 Hong Kong Public Space Initiative 專頁!

No items found.

交通

港鐵深水埗站D2出口步行10分鐘到美荷樓,沿晨運徑樓梯上約10分鐘

注意事項