❸ 本文內容摘自第三方資料,僅供行程參考之用。

魔鬼山

另一個角度睇維港景色

所在地區

九龍

建議遊覽時間

2

小時

遠足徑難度

1

最後更新日期

23/12/17

交通資訊
備註事項
地圖

魔鬼山

另一個角度睇維港景色

維港嘅景色世界知名,不過除左上山頂之外,又有冇其他地方選擇呢?登上位於油塘同調景嶺中間嘅魔鬼山山頂,就可以用另一個角度睇到維港景色喇;呢座又稱為炮台山嘅小山高222米,沿途嘅山路都舖好哂石級欄杆,就算係初次行山嘅朋友都可以應付自如。 由油塘出發,沿住將軍澳華人永遠墳場嘅馬路上斜,喺中途留意左邊有條樓梯,接上衛奕信徑行一陣就到,全程大概45分鐘。沿途指示牌非常清晰,每個路口都有寫住炮台山點去,就算係路痴都絕對冇問題。 

‍沿住將軍澳華人永遠墳場嘅馬路上斜

‍中途留意左邊樓梯

「魔鬼山」呢個名好似有啲恐怖咁,而佢嘅別名「炮台山」亦同港島區嘅炮台山撞名,真係神奇。其實呢兩個名都同香港嘅歷史有關:魔鬼山山腳對正鯉魚門海峽,而海峽正正就係維港嘅出入口,係眾多港內船隻嘅必經之路。清朝嘅時候香港海盗娼厥,鯉魚門十分危險,相傳更加有好多海盗匿藏喺山上,所以被附近居民稱為「魔鬼山」。後來香港成為咗英國殖民地,治安問題得以解決;而英軍就睇中魔鬼山嘅地理戰略優勢,於是喺山上起咗雕堡同炮台,鎮守海峽。唔知係咪舊名唔太吉利嘅關係,政府喺90年代將魔鬼山嘅官方名稱改為炮台山。

啱啱提及過嘅軍事設施,其實到今時今日仲喺山上面。往山頂嘅途中會有指示牌指向位於山腰嘅歌賦炮台,上山嘅時候不妨順到一遊;而山頂就係魔鬼山雕堡。呢堆設施喺1902年先後建成,屹今已經超過一百年歷史。不過炮台喺啟用之後幾年,大炮就陸續移走去赤柱等地方佈防。香港保衞戰期間,日軍同英軍喺陸路嘅醉酒灣防線開火,魔鬼山炮台並冇發揮好大作用。而家上去魔鬼山,仍然可以見到舊時嘅炮台、彈藥庫、戰蠔等等,十分有歷史價值。 

‍歌賦炮台
‍歌賦炮台

除咗睇下古蹟,嚟到魔鬼山當然要睇吓腳下景色啦 。山頂坐擁270度大海景,東邊嘅百勝角、南邊嘅柴灣同西邊嘅維港都可以一覽無遺。因為對正西邊,好多攝影發燒友都會set好哂腳架影日落。如果想影到維港日落美景嘅話,就要早啲上山霸位喇。有時間嘅話,可以等到入黑欣賞埋五光十色嘅夜景,過一個舒服嘅黃昏。不過入黑之後山路冇街燈,記得手機要有電着燈或者自備電筒啦。 

交通資訊

喺油塘站大本營商場鯉魚門道出口過馬路,左轉高超道,沿往將軍澳華人永遠墳場車路開始行程。

備註事項

 山路不設街燈,如入黑後離開請確保手機有電源着燈或自備電筒。

地圖

其他相似景點