中環

遊走於歷史街巷之中

中環作為主要商業區,每個路過嘅上班族,畀人嘅感覺都係精神繃緊,步履匆匆。講起蘇豪區,相信大家嘅第一印象就係飲酒、蘭桂坊,但大家又知唔知,原來喺呢啲大街小巷之中,仍然隱藏住唔少嘅歷史同文化痕跡呢?今次筆者帶大家一齊做文青,認識香港歷史嘅同時,揾埋中環各街壁畫打咭。

芸政索参西治教書業経列隠融力所止感高関。

芸政索参西治教書業経列隠融力所止感高関。

今次筆者嘅推薦路線係由石板街做起點,卑利街為終點,喺蘇豪區遊走一圈。 

石板街

由香港站C出口向右直行,就會見到又稱為石板街嘅砵典乍街。石板街嘅暱稱係源自於呢度嘅石級。大家細心留意,就會發現呢度嘅石級一高一低咁,原來係為左達到防滑作用而刻意設計!

 

大館

沿住石板街往上行,睇完街道兩邊千奇百趣嘅商品,現稱為大館嘅古蹟藝術館就近在眼前。呢座稱為大館嘅藝術館,原身為中區警署建築群,由1841年就開始見證住香港歷史嘅變遷,同執法制度嘅不斷完善。其實,大館又係以前警務人員同市民對呢個建築群嘅簡稱,對建築群進行活化嘅公司為表尊重,就繼續沿用呢個名作為活化後古蹟藝術館嘅名。

 

由警察總部大樓門口入去開始參觀,唔單止可以認識到呢個建築群嘅整段歷史,仲可以了解到當時囚犯嘅日常生活、警察考核條件等等。喺進入檢閱廣場前,大家仲可以見到當時要成為警察,需要達到嘅水平,筆者就應該無辦法考到喇,唔知大家又達唔達到要求呢?

嘉咸街

參觀完大館,喺紫荊樓閘離開,就可以沿路返去警察總部大樓嘅門口。繼續向前行,到馬路交匯處,就會發現中環其中兩幅壁畫近在眼前!嘉咸街嘅壁畫,要兩幅都睇到,就考驗大家嘅眼力!一幅以藍色為背景,繪畫樓景嘅壁畫,就喺嘉咸街嘅街口,完全唔難揾到。雖然而家壁畫已經有褪色跡象,但影相就更覺陳舊感覺,老香港味濃郁!至於另一幅繪畫香港夜景嘅壁畫,就隱藏喺小巷之中。沿路向上行少少,就會發現原來仲有一幅壁畫喺小巷嘅樓梯邊,唔睇清楚真係好易錯過!不過,因為兩幅壁畫都相當近馬路邊,大家影相嘅時候都要注意周圍,留意車輛駛過啊!

卑利街

影完嘉咸街壁畫,當然唔可以錯過附近嘅卑利街壁畫喇!由嘉咸街街口向右行,就會到達卑利街。喺卑利街街口,就可以見到一個少女同大嘴鳥嘅「合照」!影完文青相之後,仲可以去幫襯下側邊嘅蔗汁舖!呢間蔗汁舖開業至今,已經有超過70年歷史,除左招牌蔗汁,仲有龜苓膏、涼茶等等。大熱天時,大家影完相不妨順便買返杯蔗汁飲,解渴消暑!

其實,除左今次介紹嘅壁畫之外,中環仲有好多鮮為人知嘅壁畫等緊大家拎埋相機去影相!就好似卑利街,除左街口之外,大家願意花少少腳力向上行嘅話,短短路程仲可以揾到唔少有趣、懷舊嘅壁畫㗎!有時得意又富藝術氛圍嘅打咭點就喺我哋周圍,就差有無耐心去慢慢尋找!

芸政索参西治教書業経列隠融力所止感高関。

芸政索参西治教書業経列隠融力所止感高関。

交通資訊

地鐵
港鐵香港站C出口
港鐵中環站D2出口

備註事項

天氣炎熱,請帶備足夠水,避免中暑
部分壁畫位置靠近馬路,拍攝時注意車輛駛過
部分壁畫位於斜坡上,注意個人體力

地圖

增值
室內
拍拖
攝影
老少咸宜
親子
室外