鶴咀

香港小墾丁

想感受澎湃嘅浪聲、欣賞色彩斑斕嘅岩石?位於石澳南端嘅鶴咀絕對適合你去!你哋知唔知,原來鶴咀係香港其中一個海岸保護區,而且港大嘅海洋科學研究所亦都坐立左喺呢度㗎。另外,唔少人都稱鶴咀為上帝之眼,呢度嘅景色更吸引咗唔少攝影師去影相,佢哋仲會係度捕住個星空,想知點解?等筆者慢慢介紹鶴咀畀大家知喇!

芸政索参西治教書業経列隠融力所止感高関。

芸政索参西治教書業経列隠融力所止感高関。

其實前往海岸保護區嘅成個路程都算輕鬆,大部分都係平路,好少斜坡同梯級,就算係少行山嘅人都絕對無問題。沿途嘅風景都好靚,喺行山嘅過程中更可以睇到無敵大海景,真係令人心曠神怡。


燈塔 

呢座全白嘅燈塔係香港歷史法定古跡,建築外觀有陣復古氣息,當連同藍天白雲咁去睇,成個景觀就會變得好清新,絕對比得上墾丁嘅燈塔!


雷音

望落去平平無奇嘅岩石洞,當你走入去,就會望到另一邊嘅出口,好似展現左另一片天空、另一個世界咁。呢個洞仲特別涼爽添,好適合去乘涼。

蟹洞

蟹洞點解叫做蟹洞呢?原因好簡單,就係因為佢外形好似一隻蟹企緊響度!蟹洞其實係海蝕造成,所以就有咁嘅拱形。另外,蟹洞又比人叫做上帝之眼同彩虹之門,係因為喺呢個洞口,你可以睇到壯觀嘅景色,望住一望無際嘅海景,中間又夾雜住一啲小島,同時間又可以感受啲浪湧過黎嘅震撼感,真係令人歎為觀止。


鯨魚骨

呢副骨骸嘅主人翁,就係1955年喺維港擱淺嘅鬚鯨,有唔少人都誤會咗佢係香港海洋公園表演咗15年嘅殺人鯨海威。如今,呢副骨骸更成為咗鶴咀嘅重要地標。


芸政索参西治教書業経列隠融力所止感高関。

芸政索参西治教書業経列隠融力所止感高関。

交通資訊

筲箕灣地鐵A3出口附近有9號巴士可以直達鶴咀站(大約20分鐘車程)。落車之後沿途步行4公里就會抵達到鶴咀海岸保護區(步行大約40分鐘)。


備註事項

鶴咀是香港的海岸保護區,切勿在當地釣魚、嬉水、進行任何水上活動或者帶走任何生物。
請好好保護環境,切勿隨意丟棄垃圾。
請帶備足夠水,以免中暑。


地圖

室外
探險
攝影
行山
親子