喺1990年建成嘅堅巷花園位於上環，連接上環同半山，歷史悠久。如果用遊客身份去遊覽嘅話，行上去大概需要20分鐘時間，因為上公園嗰條路真係好鬼斜㗎！但影相嘅時間就因人而異喇，因為堅巷花園並唔係一般嘅建築物，係需要用創意，加上適當位置去影，先會成為一個個影靚相嘅打咭點！要影到最完美嘅效果，就睇大家嘅攝影技巧喇！
公園總共有三層，最低係一個小水池，中間位置有個小休憩處，而第三層就係兒童遊樂場同一個公共洗手間。園內仲有唔少打咭位，無論係情侶，定係親子嚟都啱哂！
而堅巷花園最特別嘅地方，就係佢嘅設計喇！用「積木」建成嘅一座積木堡壘，園內另有4個正方形「扭計骰」分布喺第2層，呢幾個「扭計骰」原來係洗手間嚟！可能係依山而建嘅關係喇，佢嘅位置略為偏僻，即使喺假日下午，都只有極少路人經過。不過，正因為少人，大家想擺咩pose影相都唔洗驚引人注目！
堅巷花園嘅打咭位置實在多不勝數，如果可以捉緊時機，係可以令人有不一樣嘅感覺㗎！
.jpeg)
