V'air x 環運會:綠色年宵樂沙田 2020

惜物減廢 乾淨回收

V'air x 環運會:綠色年宵樂沙田 2020

惜物減廢 乾淨回收

專題分類
活動推廣
最後更新日期
14/1/2020

綠色年宵2020

農曆新年快到,V'air 同 環境運動委員會今年再次合作推行「綠色年宵2020」,在沙田源和年宵市場推廣惜物減廢、乾淨回收。「綠色年宵」計劃喺各區嘅年宵市場都有進行,由唔同嘅NGO承辦。雖然今年取消乾貨區,但年宵仍然有濕貨區,大家可以逛逛買花買盆栽。

【沙田綠色年宵 2020】
日期:2020年1月19-25日
地點:沙田源禾遊樂場

V'air綠色攤檔

V'air在年宵的「綠色行動」包括擺設攤檔設立環保手作工作坊、派發重用膠袋等,亦鼓勵檔主參加約章,承諾減廢,成為「綠色商戶」。年宵最後一晚,我地會協助物資拯救,將有用嘅物資,例如帳篷運送到社福機構。經過一番努力,V'air預備好精美嘅Banner同影相道具,全部都係用舊物資Upcycle升級再造製作架,惜物減廢絕對唔嘥嘢,例如紅酒箱整嘅購物袋共享箱。

根據綠領行動資料,原來香港人每年用3.2億個利是封,相等於斬16,300棵樹!V'air會於沙田綠色年宵派發公眾捐贈嘅迎新利是封,唔少係全新,部分用過但仍然好新淨。所以,今年唔好買利是封,過嚟年宵市場領取啦!另外,新年後亦有團體舉辦收集舊嘅利是封活動,經社福機構處理,下年免費派發俾市民。想救救萬幾棵樹,就要靠大家。

綠色商戶計劃

我們會延續上屆嘅綠色商戶計劃,只要檔主作出環保承諾,就會獲得綠色商戶認證。V'air將教授檔主減廢回收等環保知識,並在社交平台為檔主推廣。目前已經有5⃣個檔主登記咗參加計劃喇,上屆參加率接近7⃣成。
🎬即刻去片,聽吓V'air成員 Tommy & Hermia 介紹綠色商戶計劃啦!

有興趣參與綠色商戶計劃,歡迎填寫以下表格:https://docs.google.com/forms/d/19i3QyCF_7iREmCa4embZ3PeSE4fXpHX-h5A9CBAkk5s/viewform?edit_requested=true&fbclid=IwAR2hu2O2DjNbRX5-SJt6_pw9i9PlplLT54LaYf_LSAwcV5NQsOlGwQPbyvo

模擬廢物徵費計劃

環境運動委員聯同V'air首度舉辦廢物徵費試行計劃,測試都市固體廢物徵費在大型活動上的成效,為將來立法做好準備。
V'air將教授檔主減廢回收,分類掉垃圾等環保知識。兩個熱心攤檔已登記參加計劃,幫忙測試廢物徵費。詳情請閱此文章
🎬即刻去片,聽吓 V'air 成員 Diane 介紹廢物徵費試行計劃啦!

綠色年宵大使招募

以上的工作都好需要大家幫手!誠意邀請大家成為學生義工(14-17歲)同年宵大使(18歲或以上),義工同大使都會有津貼資助,鼓勵大家為地球出力。有興趣參加推廣環保嘅你,即刻填寫以下表格:https://forms.gle/kZyNCDrBsxtKbHxy8

物資大召集

如果屋企有舊膠袋🌳、利是封💃、舊衣物👚👖,歡迎聯絡 V'air 進行交收。

19-25/1, V'air約定大家沙田綠色年宵見!🌿