市花知多點——洋紫荊

市花知多點——洋紫荊

專題分類
賞城文誌
最後更新日期
12/2/2018

#點解洋紫荊係市花? #洋紫荊唔識繁殖

洋紫荊個個都知道係香港市花,但係小編身邊原來好多朋友喺街見到呢種花都認唔出係佢🙈

香港市區嘅路邊經常會見到洋紫荊,十二月到三月就係佢地嘅花期。洋紫荊花瓣係紫紅色,有五條雄蕊,樹上唔會結果,成棵樹掛住一朵朵顔色咁Sharp嘅花非常易認。下次見到嘅時候不妨留意吓!

其實,洋紫荊係紅色羊蹄甲同宮粉羊蹄甲交雜成嘅混合種,所以唔識自己結果繁植。1880年,一位外國傳教士喺薄扶林山上發現咗意外混種而生嘅野生洋紫荊,並將佢移植到伯大尼修院。自此之後,就冇人喺野外再發現野生洋紫荊,而我地衣家喺街上見到嘅全部都係透過樹幹嫁接配種而成,算係伯大尼修院嗰棵洋紫荊嘅複製品。

咁究竟點解洋紫荊係市花呢?

原來因為洋紫荊首次係香港發現,而且世界各地都無相同嘅品種,能夠成為香港嘅象徵。1965年,洋紫荊就正式獲選成香港市花。